।। नवरात्री महोत्सव ।।
🐁🦅 मां करणी नागणेच्या कृपा 🌹🚩
_________________________________
प्रथम नवरात्र मावड़ी, करजो घर में वास ।
शुभता अपार भर दिजो, करो मंगल प्रकाश ।।
दुजो दिवस रो नौरतो, करूं भाव री ज्यौत ।
देख दर्शन दुर्लभ ऐ, हिवड़ो राजी हौत ।।
तिजो नौरतो डोकरी, विपद विदारण हार ।
सेवक तणी मदद चढ़े, आफत बिच महतार ।।
चौथो नौरतो सगती, कोटी नमः कर जोड़ ।
मानस भोलो बालकों, माफ गुनाह किरोड़ ।।
कुलदेवी कथो किरती, पुजो सदा-ही पांव ।
नौरता पांचम वर पा, आवे घर सुख छांव ।।
छठो नौरतो निंवता, जपा मात रा जाप ।
हमेशा सिर हाथ रखे, देशाणराय आप ।।
सातम तिथि शुभ नौरता, धरूं भगवती ध्यान ।
कालका नित किरप करे, हरे विपद व्यवधान ।।
आठ नौरता नेम सूं, भजो भाव महमाय ।
घर मंगल कारज सरे, सुख संपत सरसाय ।।
नौ मंगलमय नौरता, ज्यौत आरत प्रसाद ।
अचल भाव ह्रदय धरो, जप माला गुण नाद ।।
________________________________
सादर:
मेघराज सिंह
0 टिप्पणियाँ
If you have any dout please let me know and contect at mahendrasingh2015charan@gmail.com