चिरजा प्रभाती कर किरपा जागो माँ करणी Karni Mata Prabhati Chirja Lyrics करणी माता प्रभाती चिरजा लिरिक्स

Karni Mata Chirja Lyrics

  

    करणी माता चिरजा लिरिक्स

एक प्रभाती रचना करी सो सादर निजर करूं .... .......

                        चिरजा प्रभाती 

कर किरपा जागो माँ करणी  , जय हो जोगण जरणी ए ।

कर किरपा जागो माँ करणी  ए ।।

रजनी त्याग आयो संग रश्मि  माँ , धाकड़ दिनकर धरणी ए ।

आलस छोड़ उठो माँ अम्बे  , करो मेहर सुख करणी ए ।।

कर किरपा जागो माँ करणी  ए ।।

जति कैलाश जाग्या जोगेशर जी  , घट हरसी शिव घरणी ए ।

जाग्या शेष शय्या जगदीशर  , वेद ब्रह्मा मुख वरणी ए ।।

कर किरपा जागो माँ करणी  ए ।।

तखत तेमडे़ जागी माँ तेमड़  जी , चाळक दानव चरणी ए ।

चोंचलवे सूरमदे चण्डी   , दरस कियों दुख दरणी ए ।।

कर किरपा जागो माँ करणी  ए ।।

जग तारण माँ सैणल जागी जी  , धिन जुढिये मढ धरणी ए 

सोनथली सुख सात समागम , शरण सदा सुख शरणी ए 

कर किरपा जागो माँ करणी  ए ।।

नृप नमे जोगी नर नारी माँ  , भगतो रा मन भरणी ए ।

सुपरभात बसो घट सगती  , तारण भव जल तरणी ए ।।

कर किरपा जागो माँ करणी  ए ।।

दृग तरसे  देवो झट दरसण  माँ , कर किरपा माँ करणी ए । 

सिन्ढायच "सूरो"" निज शरणे  , ध्यान सदा चित धरणी ए ।।

कर किरपा जागो माँ करणी  ए 

सुरेश दान