Karni Mata DOHA IN HINDI करणी माता दोहे लिरिक्स

         Karni Mata DOHA IN HINDI 

          करणी माता चिरजा लिरिक्स

*नये बरस नो नौरतां, दे मैया आशीष।*

*पल भी नां भूलुं तुझे, रोज निवांवूं शीश।*

*जोत जगाऊं भगवती, घृत धेनु को डार।*

*एकम रै दिन मावड़ी, म्हारै घरां पधार ।*

*आवड़ आतुर आवजै, करणी आ सर बेग।*

*नवलख सगत्यां साथ ले, इन्द्र बढो आवेग।*

*ध्यान धरूं मैं आपरो, चरणां चित्त लगाय।*

*दर्शन दीजे डोकरी, देशाणै री राय।*

*मद रो प्यालो ले खड्यो, आय अरोगो अम्ब।*

*थाल सज्या पकवान नैं, जीमो जी जगदम्ब।*

*करणी भगती रै समद, उतर बिना घबराय ।*

*जो बचसी बो डूबसी, जो डूबे तिर ज्याय।*

*मढ थारो मन में बसै, उण मढ आज पधार।*

*रीत निभादे लाड री, प्रांजल पुत्र दुलार।*

    

    *प्रह्लाद 

।।  मातृ चरणार्विन्दाश्रितोऽहम् ।।

                       ।। दोहा ।।

कीरत करणी कोट  की, बरण सके कुण बाण ।

राजे जहं रतनासदूं (माँ), बीसोतर  कुळ भाण ।

शक्ति  पीठ   सुहावणो,  शौभित   जैम   सुमैर ।

रातदिवस    बरसे    जठै, माँ   सायर  री  म्हैर ।

ऊंचो  गढ़  मढ़  ऊजळो, अर्क लेत जिण ओट । 

जुगल  रूप  राजे  जठे,  मात  रिधु   मन  मोट ।

आठ पहर  अळगो  रहे, कळजुग  कूड़  करूर ।

लाजे  सांमी  लाख विध, निरमळ  सतयुग  नूर ।

गढ़ बंका जग में  घणां, हुवे  न  किणसूं   होड ।

दीपत  हे  मणिद्वीप ज्युं, सह  तीरथ  सिरमोड़ ।

।। करणी कृपा हि कैवलम् ।।

                       ।। दोहा ।।  

किंकर  पर  कायम  कृपा, राज  रखे  दिनरात ।हे)शरण चरण सुखदायनी, नमो करनला मात ।

                   ।। छन्द:- सारसी ।।

धजबन्थ  करुणा धाम  करणी,  

                                  दिव्य  आनंद  दायनी ।

आधार अविचल  वंश आश्रित,

                                विरद  चित्त  वरदायनी ।

भक्त वत्सल बीसभुज माँ 

                                कृपा  सुमंगल  कारणी ।

जय जय दयानिथ दीन वत्सल,

                                दैशाणपत दुख हारणी ।

                        ।। दोहा ।।  

करम  हवाले   नहं  करे,  पूरण  आश्रित  पात ।

भाग   कुमंदा  भांजणी,  नमो   करनला   मात ।

         जयसिंह मण्डा