चरितमानस के 250 चमत्कारी दोहे Ramayan doha भगवान राम की शरण प्राप्ति हेतु dohe,

    

          श्री राम सुयश दोहावली भाग 3 

जनम लियो जद जगत में , लायक चारों लाल ।।

मन हरखावे मेदनी , बज त्रंबागळ ताल ।।31।

गीत राग शुभ गावणो , अवध घणो उछरंग ।।

वाजा छतीस वाजिया , इ सुर ताल लय संग ।।32।।

दशरथ रा दरबार में , गावे गायक गीत ।।

दान मान सब देवणो , राज तणी आ रीत ।।33।।

तिण पल विप्र तेड़ाविया , दिन चढ़ते घटी दोय ।।

पांच अंग पंचांग रा , जोशी विध कर जोय ।।34।।

जोशी पोथी जोवतां , हरख वधे मन हेत ।।

दुंणी छोळ दरियाव ज्यूँ , दशरथ रो मन देत ।।35।।

कौशल्या रघुवर कुंवर , कैकय भरत कुमार ।।

शत्रुघ्न लखन सुमित्रा सुत , चावा नांमी चार ।।36।।

भरत'र शत्रुघन भावता , सुत भूपत रे चार ।।

राम लखन सा राजवी , भूमि उतारण भार ।।37।।

शेष रूप लखमन सही , राम श्रीकंत रूप ।।

भ्राता शत्रुघन भरत सा , अनमी चार अनूप ।।38।।

कौसला सुमित्र कैकई , मन हरखावे मात ।।

उठत परत चलत उते , चारों लाल सुहात ।।39।।

भूपत पढ़वा भेजिया , भलो रखे मन भाव ।।

विद्या गुण सीखे वळे , चित्त में रखे चाव ।।40।।

दशरथ रा दरबार में , एक दिन कौशिक आय ।।

भेजो मों संग भूपति , सुत दुय करण सहाय ।।41।।

सघरे ऋषि मिल साथ में , करत हवन शुभ काज ।।

उत्त विघन कज आत हैं , दानव राखे दाज ।।42।।

करवा विघन असुर कई , आवे तहां अपार ।।

आप रामजी आयके , क्षत्री करो संहार ।।43।।

कर शंका दशरथ कही , विप्रवर सुणियो वात ।।

मायावी दानव महा , सो मम मन सकुचात ।।44।।

रिषी कहे सुण राजवी , कीजै सोच न कांय ।।

सुत थारा हैं सांमरथ , क्षत्रपति करण सहाय ।।45।।