श्रीराम सुयश दोहावली (भाग 6) Ramayan doha Chaupai, Ramayan Ke Dohe Chaupai, Ramayan DOHA,

Karni Mata Chirja Lyrics करणी माता चिरजा लिरिक्स

Ramayan doha Chaupai, Ramayan Ke Dohe Chaupai, Ramayan DOHA, 

ramayan doha, Ramcharitmanas Ke Dohe in Hindi,Ramayan ke Dohe 250,Ramcharitmanas doha,Ramayan Doha 250 in Hindi,Ramcharitmanas me Dohe hai, Ramcharitmanas Doha 250 in Hindi,Ram Charit Manas Doha

 

रामचरितमानस के 10 चमत्कारी दोहे,नवरात्रि में रामचरित मानस के दोहे, चौपाई , भगवान राम की शरण प्राप्ति हेतु dohe, 

श्रीराम सुयश दोहावली (भाग 6)

आसन अदभुत ओपता ,सहविध दिया सजाय ।।

मघवा रे महलात ज्यूँ , सुन्दर भवन सुहाय ।।76।।

मंडप रे बिच मेलियो , उण पल तखत अनूप ।।

धरयो जिण पर शिव धनु , भल भल निरखे भूप ।।77।।

अनमी सगळा आयके , सबे वधारी शान ।।

देवां वास दिपावतो , मंडप दिसे महान ।।78।।

पिनाक शिव धनु प्रबळ , मेल्यो संभा मांय ।।

चाप जो धनु चढाय दे , भूप जनक मन भाय ।79।।

कही बात कर जोड़के , साची जनक सुजांण ।।

नरपति वचन निभावजो , तोड़ धनुष झट तांण।।80।।

तोड़ै धनुष कर टुकड़ा , नामी जिका नरेश ।।

सो नर परणें सीय नें , ओही जनक आदेश ।।81।।

सगळी संभा सांभळे , हियै रही हरखाय ।।

भल्ल पारखां भूप रां , जद आजें हो जाय ।।82।।

रौष करे मन राजवी , मुंछां रहया मरोड़ ।।

पिनाक तौड़ द्यां पलक में , हद जिण लागी हौड़ ।।83।।

जोशीला नर कै जबर , भला मुंछाळा भूप ।।

हरखै रहेया हिय में , अधपत घणा अनूप ।।84।।

आयां वारी ऊठिया , रोशीला कै राव ।।

छत्रपत बांहुं चाड़ेयां , तुरत मुंछां दे ताव ।।85।।

तोड़यो किणविध तुटसी , हल्यो न अंगुल हेक ।।

शरमावै सोय छत्रपति , तजै बैठा नर टैक ।।86।।

विकल मन विदेही हुओ , जनक ओ प्रसंग जोय ।।

क्षत्री न रह्या संसार में , सूरा खपग्या सोय ।।87।।

ओही पारख आदरी , भयी महा मम भूल ।।

छत्रियां अब तो सांभळो , दुर्बळ व्हे गया डुल ।।88।।

बळहीण छत्रिय बापड़ा , सबै हुआ सिरदार ।।

विदेही ईम विचारियो , अब नह कछु औधार ।।89।।

लखमण सुण कहने लगै , छत्रि बीन नह संसार ।।

विदैही शबद विचार्यां , आप युं करो उच्चार ।।90।।

श्री राम सुयश दोहावली भाग 7

समझाय दिये सान में , उत लखमण को ऐम ।।

धीरज मन में धारियै , नह तोड़ो तुम नैम ।।91।।

जद उणपल यों जोवियो ,इ रिषी सांमें राम ।।

हुकम आपरो होवतां , कठिन नहीं ओ काम ।।92।।

दी आज्ञा गुरदेवनें , रखो ढील नह राम ।।

पिनाक तोड़ो पलक में , (ओ) कैशव तेरो काम ।।93।।

रिषी दी आज्ञा राम को , झट जावो जगदीश ।।

तोड़ो धनु दशरथ तणा , अमिट मोय आशीष ।।94।।

ईम सुण राघव उठिया , प्रथम गुरू लग पाय ।।

आज्ञा दिन्हीं आप तो , थट मुर टुकड़ा थाय ।।95।।

हुवै पदम चक्र हाथ में , शंख गदा भल सोय ।।

अदृश्य रूप  आपको , जद सिय हरखै जोय ।।96।।

शैष पियाळां सळवळै , धरा रही सब धूज ।।

भांण थभ्यो रथ भाळवा , परगट अवनी पूंज ।।97।।

कैशव मन मुसकाय के , चले गयन्द गत चाल ।।

शंका कर रह्या छत्रपति , हुओ अजब मन हाल ।।98।।

विध छोटी आ बाळवय , अब हैं भयो अजाण ।।

अजब धनुष ओ ऐक ही , जग में अदभुत जांण ।।99।।

हरि जद लागेया हंसने , मन्द अधर मुसकाय ।।

तिण पळ रामहि तोड़वा , धनुष रे ढिग धाय ।।100।।

दायें कर सूं जोर कर , बाम कर धनुष बढाय ।।

खींच प्रतंचा खांत सूं , चट्ट दी राम चढाय ।।101।।

जद नह तांणी जौर सूं , (पण) टुकड़ा हुआ ज तीन ।।

सुर गण मानव सघळै , कुसूम वरसा कीन ।।102।।

जो धनुष तोड़े जिका , वो सीता रो सांम ।।

हरिवर बाजी हाथ में , राखी हेक हि राम ।।103।।

ऐक टुक आसमान में , धरणी दुजो धराय ।।

तीजो झट्ट पयाळ में , जिकै तुटन्तो जाय ।।104।।

भूप लज्जित सबे भये , हिय सह जन हरखाय ।।

आज जनकपुर आंगणें , गायन दियै गवाय ।।105।।

श्री राम सुयश दोहावली भाग 8

धनुष तूटत ध्रूजी धरा , गगन सबद गणणाट ।।

करने लागै कोतुहल , थळ नभ जळ के थाट ।।106।।

साद फरसधर सांभळै , तुटयां धनुष तिकाह ।।

आयो कुंण नर ईळ में , जनम हि धरै जिकाह ।।107।।

जमदग्न सुत आयो जदै , लम्बी फरसी लैह ।।

दैखत लगै डरावणो , क्रोधाळ रूप करैह ।।108।।

अति रूप विकराळ उत , उणपल फरसू आय ।।

तोड़यो धनुष शिव तणो , वो नर दियो वताय ।।109।।

कर विनय रघुवर कही , आप न होय अधीर ।।

फरसधर नांहि फायदो , धारो थां मन धीर ।।110।।

धनुष तूटत ध्रूजी धरा , गगन सबद गणणाट ।।

करने लागै कोतुहल , थळ नभ जळ के थाट ।।111।।

साद फरसधर सांभळै , तुटयां धनुष तिकाह ।।

आयो कुंण नर ईळ में , जनम हि धरै जिकाह ।।112।।

जमदग्न सुत आयो जदै , लम्बी फरसी लैह ।।

दैखत लगै डरावणो , क्रोधाळ रूप करैह ।।113।।

अति रूप विकराळ उत , उणपल फरसू आय ।।

तोड़यो धनुष शिव तणो , वो नर दियो वताय ।।114।।

कर विनय रघुवर कही , आप न होय अधीर ।।

फरसधर नांहि फायदो , धारो थां मन धीर ।।115।।

कही फरसधर राम को , बालक कर नह बात ।।

महादेव को हैं महा , वसुधा धनु विख्यात ।।116।।

 वार इक्कीस वसु तणा , छत्रिय लिया संहार ।।

अब कुंण आयो ऐहड़ो, इळा भूप अवतार ।।117।।

कठोर वचन परशु कहत , सुण ध्रूजै नर सोय ।।

अबखी वैळा आवियां , हलचल सघळां होय ।।118।।

सब क्षत्रियन कै उण समै , जीभे ताळां जांण ।।

नरां हिये सूझत नहीं , उत्तर रो अवसांण ।।119।।

लागे देखण लोग हैं , आंमी सांमी आज ।।

इ राजी परशुरामजी , कहो हुवे किंण काज ।।120।।

श्री राम सुयश दोहावली भाग 9

ध्रुजै जिका तव धाकसूं , वो नहीं क्षत्री वीर ।।

बात सुणो तुम विप्रवर , धरो परशु अब धीर ।।121।।

दीन धेन विप्र देवता , पूजनीय एह परम ।।

सदा ऐही संसार में , कहावै वीर करम ।।122।।

करै क्रोध परशु कही , ऐही बाळ अजान ।।

तूं नांही जानत तिका , परथम मों पहचान ।।123।।

राम समझाय रीत से , सो मम तात समान ।।

कित्त धनुष कारण कियो , आप रौष हिय आन ।।124।।

अति न बोल बालक अबै , न समझयो नादान ।।

शिव को धनुष संसार में , जिका सवायो जान ।।125।।

लखमन जद कहने लगै , करो नहीं तुम क्रोध ।।

दैवूं ल्हाय म्हें दूसरो , जिका धनुष वड जोध ।।126।।

अल्प उमर बालक असो , बोल नहीं तूं बोल ।।

अधक सवायो हैं अजब , ओही धनुष अमोल ।।127।।

कर जौड़े रघुवर कही , रिषीवर करो न रौष ।।

हाथ लगात तुटो हमें , दूजां रो नह दौष ।।128।।

कोमल वाणी राम कहि , परशु आयो पास ।।

हियै लगायो जद हरी , दयानिधी इत दास ।।129।।

ग्रहै बांह तोड़े गरव  , लिय हरि गळे लगाय ।।

उत्त परशु अवधेस के , पड़यो झटके पांय  ।।130।।

वाजया ढौल वधांमणा , गायक गावत गीत।।

हरख भयो सबे हिय में , राम नेह की रीत ।।131

विप्र उच्चारण वेद को , करे मन हरख कियांह ।।

छंदां दोहां छोळ सूं , हरखे सकळ हियाह ।।132।।

गंधर्व किन्नर देव गण , मन सूं खुशी मनाय ।।

इम अवसर शुभ आवियां , हिय दूंणो हरखाय ।।134।।

सिय सहेलियां संग में , मन ही मन मुसकाय ।।

भल मिळयो मन भावतो , राम जिसो वरराय ।।135।।

श्री राम सुयश दोहावली भाग 10

 

 गायक जन शुभ गान किय , (अर) शुकवि बोलया छन्द ।।

वेद विप्र जद वांचतां , उर भयहू आनन्द  ।।136।।

निरख रही सब नारियां , हरखे मंडप हाल ।।

कहत रही सब सीय को , कन्त तुज्झ किरपाल ।।137।।

मन ही मन मुस्कात हैं ,  सुणे बात या सीय ।।

भल मोरे वड भाग को ,  कहे  वसु वंदनीय ।।138।।

जनक कही तब जानहू ,भूप  दासियाँ भेज ।।

सिया ल्हाय इत चाव सूं ,  जानत करो न जेज ।।139।।

जद मंडप बिच जानकी , तुरन्त लिध तैड़ाय ।।

जय जयकारो जनकपुर , थरू चहूंदिश थाय ।।140।।

गंधर्व किन्नर देव गण , सुर नर मुनिवर सोय ।।

कौशलसुत रे कारणै , हरख सवायो होय ।।141।।

भूप जनक रे जद भयो , अधक हरख हिय आज ।।

परम सीय के राम पति , सुर्य वंश सिरताज ।।142।।

पुष्प हार ले प्रेम रो , हिये सिया हरखाय ।। 

पति राम त्रेय लोक पति, परम भाग सूं पाय ।।143।।

मुहरत  दिखायो महपति , जनक विप्रां कर जांण ।।

भल विध पोथी भाळजो शुभ पळ देख सुजाण ।।144।।

गुणांक विप्र गिणाविया , परम वार तिथ पल्ल ।।

पुत्री भल्ल परणावियै  , ओही समय अव्वल ।।145।।

विदेही ईम विचारियो , जनक वात ओ जांण ।।

तनय चार दशरथ तणा , सुन्दर बोहो सवियांण ।।146।।

कुसधज सूं जनक कही , भली वात सुण भ्रात ।।

दो दो पुत्री हम  दुय के ,हैं यह बात हयात ।।147।।

उभय तनया अम्हतणी , दोय तिहारी दैख ।।

चार परणसी साथ में ,लिखिया विधिना लैख ।।148।।

जो तुम उत्तम जानहू , जनक करो भल जोय ।।

आजै खुशी हिरदै अति , हद मों भ्राता होय ।।149।।

सुन्दर अति दशरथ सुतन ,सबही कुंवर सुजान ।।

चारों सुता सरूप हैं , वर चारूं गुणवान ।।150।।