श्री राम सुयश दोहावली (भाग 07),Ramayan doha Chaupai, में रामचरित मानस के दोहे, चौपाई , भगवान राम की शरण प्राप्ति हेतु dohe,

श्री राम सुयश दोहावली (भाग 11)

                 

 

शुभ पळ जोशी शोधके , देत लिखे दिखलाय ।।

अवधपुरी सूं उण दिवस , इत जान भल्ल आय ।।151।।

दिन उत्तम उत्तम घड़ी , पळ उत्तम परमांण ।।

अवधपुरी सूं आवसी , जान जिका दिन जांण ।।152।।

बात सुणे इम बोलियो , जनक विदेही जान ।।

झट विप्रवर अब जावणो , मों तणो रक्ख मान ।।153।।

जनक कहे सो जानिके , लीजै लगन लिखाय ।।

सदानंद गुर साथ में , जाणो हुय सो जाय ।।154।।

सहविध हय दळ शोभतो , (अरू), लिया संग में लोग ।।

चित हरखावे चालिया , शुभ अवसर संजोग ।।155।।

सगळा हिलमिळ चाव सूं , जिका अवध दिश जाय ।।

सगा दोय धिन सारखा , कुळ भूषण कहलाय ।।156।।

अवधपुरी जद आविया , सदानंद कर चाव ।।

छवि निरखै सोयांमणी , भयो खुशी मन भाव ।।157।।

आय प्रोळ ढिग अवध में , दीन्हो शुभ संदेश ।।

दशरथ जी झट दीजियो , आवण रो आदेश ।।158।।

दुत भेज इम दाखिया ,  दियण शुभ समाचार 

।।

राजी हुय मन राजवी , इम कर हरख अपार ।।159।।

अज सुत प्रोळै आवियो , दशरथ भूप दयाल ।।

वाजा मंगल  वाजतां , हुई प्रजा खुशहाल ।।160।।

वधाय ले गये विप्र कूं , दशरथ बिच दरबार ।।

दे आसन इम द्विज का , छत्रपत कर सत्कार ।।162।।

आसन बैठा आयके , गजब लोक गुणवान ।।

महिपत दशरथ बीच में ,जिका बिराजे जान ।।163।।

आप सदानन्द आयके , परथम किय परणाम ।।

दसरथ नृप आसन दियो ,  तिण पळ रीत तमाम ।।164।।

कर हरख सदानंद कहि , सुनहू आप सुजाण ।।

भूप जनक मों भेजियो , वा मैं करूं वखाण।।165।।

शुभ यों लगन लखायके , महीप भेज्यो मोय ।।

सारो प्रसंग  सांभळै , हरख अवधपुर होय ।।166।।

सांभळै प्रजा सघळी , करवा लागी कोड ।।

उछरंग करण अवध में , हर जन लागी होड ।।167।।

 अवधपुरी रे आँगणें  , परम भयो परकाश ।।

गळी नगर सब गुंजेया , होवत रदे हुल्लास ।।168।।

भूप दियो मनभावतो , इम दसरथ उपहार ।।

दिया हयवर दोकड़ा , कनक मोहर कळदार  ।।169।।

समप घणो धन सोवणो , भयो खुशी मन भूप ।।

द्विज आशीष यों दिनी ,रंग नृप कुळ रूप ।।170।।

धिन धरपत दशरथ धणी , द्विज आशीष युं देय ।।

चित्त हरखाय चालिया , लुळकर आज्ञा लैय ।।171।।

उत्तम दिन मुहरत इसो , वेळा शुभ धिन वार ।।

आप जनकपुर आवजो ,

सजे जांन शिणगार ।।172।।

जोड़ सरीखा जांनिया , भल लाईजो भूप ।।

इम चारों वर ओपता , राम सरीखे रूप ।।173।।

वाह कहे धिनवाद दे , विध पकड़ी गुर वाट ।।

मिथिला सरखो मुलक में , थरू अजोधा थाट ।।174।।

के

किणविध म्हें शोभा कहूं , नगर अजोधा नाथ ।।

इत दरिया अपणास रो , सदा बहे इक साथ ।।175।।

जनक भूप हैं जेहड़ो , अहड़ो दसरथ आप ।।

दोय सगा जो देश में , थिर धर थाप उथाप ।।176।।

राजी हुय गुर राह ली , द्विज मिथिला देश ।

कहूँ जाय मिथिलेश को , शुभ सारो संदेश ।।177।।

भल भल दशरथ भूप हैं , पुनि धिन ता परिवार ।।

धिन अजोधा धाम रा , नित नांमी नर नार ।।178 ।।

बाग बगीचा बोहळा , बोहळी नगर बजार ।।

फाबे हैं धिन फूटरी , अजोधा छवि अपार ।।179।।

कद जाकर सगळी कहूँ ,   जनक भूप को जांण ।।

धिन्न अजोधा धांम रा , विध विध करूँ वखांण ।।180।।

मीठा मीर डभाल

Ramayan doha Chaupai, Ramayan Ke Dohe Chaupai, Ramayan DOHA, 
ramayan doha, Ramcharitmanas Ke Dohe in Hindi,Ramayan ke Dohe 250,Ramcharitmanas doha,Ramayan Doha 250 in Hindi,Ramcharitmanas me Dohe hai, Ramcharitmanas Doha 250 in Hindi,Ram Charit Manas Doha 120,रामचरितमानस के 10 चमत्कारी दोहे,नवरात्रि में रामचरित मानस के दोहे, चौपाई , भगवान राम की शरण प्राप्ति हेतु dohe,