चहुदस श्रावण चांनणी ,
बणी संग रवि वार ।
करणी करणी मधुकरा ,
खमा घणी खमकार ।
करणी तणी किरत करां ,
शरणी नित शुभकार ।
भणी साचे मन भमरिया ,
सुणी अरज स्वीकार ।
विमल सुजस वरदायणी ,
धरणी मधुकर धाज ।
हरणी संकट हमारा ,
करणी सारत काज ।
जरणी करणी जगत री ,
वरणी धरण विखात ।
शरणी रखणी सेवगां ,
मधुकर चरणी मात ।
अबखी वखत उबारणी ,
करणी सुणत पुकार ।
मधुकर शरणी माड़वै ,
वणी मेहा सदू वार ।🙏🙏
0 टिप्पणियाँ
If you have any dout please let me know and contect at mahendrasingh2015charan@gmail.com