भगवती श्री करणी जी को करूण निवेदन और ओळमा-

1  भगवती श्री करणी जी को करूण निवेदन और ओळमा-

के कैवूं अब करनला,म्हारो दुख महमाय,

घणो न देवो गौरजा,थोड़ो तो बगसाय।।

के चावूं हुँ करनला,बतलावूं के बात,

दुखड़ो म्हारो डोकरी, मेटो थे अब मात।।

सबर कियो मनड़े सगत,बस थारे बिस्वास,

काम हुयो न करनला,अब मन हुयो उदास।।

देर करी न डोकरी,अपणा पर जद आय,

डग भर उड़ती दौड़के,झट छोटड़िये जाय।।

जद थारो जगदम्बिका,सुत जमपुरी सिधाय,

कोप कियो केहर चढ़ी,त्रिभुवन दियो धुजाय।।