जय श्री करणी इन्द्र बाईसा चिरजा लिरिक्स

 🌷।।जय श्री करणी इन्द्र।।🌷

------------------------------------

एक बधाई चिरजा मां इंद्र के श्री चरणों में

तर्ज- श्री करणी हरणी दुख जन के

-------------------------------------

थांनै जन्म दिवस री अवल बधाई,

आप स्वीकारो अन्नदाता।

आप स्वीकारो अन्नदाता जी इंद्र स्वीकारो अन्नदाता..

थांनै जन्मदिवस की अवल बधाई,

आज स्वीकारो अन्नदाता।। (टेर)

हुक्म लेय हिंगलाज मात रो,

धरणी पधारया धिन दाता।

जन्म लियो सागर घर जननी,

मोद भरी धापू माता।।

थाने जन्मदिवस री अवल बधाई,

आज स्वीकारो अन्नदाता..

देव सभी चल आया द्वारे,

बहु पुष्प रंग बरसाता।

करबद्ध होय खड़या सब कंवळे,

वेद पढ़त जस बिड़दाता।

थाने जन्म दिवस री अवल बधाई,

आप स्वीकारो अन्नदाता।।

धौती कुरतो पेच धुसालो,

हेम मूंदड़ी सज हाथां।

मौहक भेष  धारयो  मर्दानों,

भाल तीलक हद मन भाता।।

थांनै जन्मदिवस की अवल बधाई,

आज स्वीकारो अन्नदाता।

रास रमे नवलख संग रमझम,

 आप अखाड़े अधरातां।

कर कर कोड मारे किलकारी,

बावन संग भैरव भ्राता।।

थांनै जन्मदिवस की अवल बधाई,

आज स्वीकारो अन्नदाता।

भणे बारठ रिछपाल बधाई,

जन्म दिवस पर जगमाता।

चरण कमल री भक्ति चाहूं,

संग दिज्यो मां सुख सातां।।

थांनै जन्मदिवस की अवल बधाई,

आज स्वीकारो अन्नदाता।

---------------------------------

रिछपाल बारहठ रजवाडी़

।। चारणवासी चूरू ।।