Karni Mata Chirja Lyrics
करणी माता चिरजा लिरिक्स
अतो कांई आवड़ आळस ल्याई,कर कर करूणा ध्याई
🔥🔥🔥🔥🔥🔥🔥🔥🔥🔥
🔱श्री श्री आवड़ माँ की चाडाऊ चिरजा🔱
...(टेर)
तुम हिंगळाज आवड़ ही तुम हो,सकल लोक सुरराई।
परचा पार अपार न आवत,बाह मामड़ रा बाई!1!!
चरखो रात दिवस नित चालत,नाम कात्यायनी बाई।
आछी छाछी लांग आवड़ा,हुली गुली होल कहाई!2!!
बेहन सात सातां बायां की,नमो नवखण्ड संकळाई।
बोरड़ी बीच हिंडे सब बहने,कभी कभी बड़ के माई!3!!
आधी रात अंधेरो शशि बिन,भुजंग डस्यो निज भाई।
तीन तीन बहन गई मधु लावण,लांग इमी ले आई!4!!
प्राचीदिश काश्यप सुत उगत,आवड़ आण दिराई।
पियुख पान पीलाय बंधू निज,तपन तुरंत छिपाई!5!!
मांगीयो पंथ नटे दधि मूरख,चोसगी चावंड रिसाई।
हाथ हथेली पूरण हाकड़ो,सागर उदर समाई!6!!
छोड़े न छांट छिटांग खाडी जळ,सागर बाहण सुकाई।
तेमड़ो मार काट शिर तुरंत,धिन मढ धाम बणाई!7!!
देवी देगराय शुध्द धरती,वसुधा शुध्द बणाई।
राखस मार रंगे अंग वस्त्र,देवी कळा दिठाई!8!!
धिन तरणोट भादरिया धरती,जग रही जोत सदाई।
काळी पाड़ी तपी कर संकळ्प,गिरी गिरराय कहाई!9!!
अड़सठ तीर्थ आवड़ पितू माता,बड़ पर बैठ कराई।
बद्रीधाम पहुंच बड़ नभ मग,सुर रंग रंग बरसाई!10!!
श्री हिंगळाज जुगां जुग शक्ति, अब आवड़ बण आई।
आठसो व आठ अवनी पर,साहुवां वंश बधाई!11!!
आवड़ा रूप अवतरे करणी, किनियां कुळ के मांई।
शगत सुवाप देशांण साठीके,महातप तेज मेहाई!12!!
बही बड़ बैठ खूड़द आई ईंदर,बण सागर रा बाई।
रतनू साख लाख रंग लागे,भुज बड़ वर्क्ष लगाई!13!!
संवत हजार दोय शुभ सीतर,महा छठ भादव मांई।
इंदू सुत वार अर्क उगण पर,देवी दरश विदाई!14!!
चारण सिध्द गंधर्व संग चालत,भारत बैंड बजाई।
संग सुरराय डूंगरगढ सीटी,प्रेम पूर्ण मन माई!15!!
लीछमण लिखी लाख रंग चिरजा, सुवरण सुत सुरराई।
निज निवास डूंगरगढ नगरी,गिरजा चिरजा गाई!16!!
श्री आवड़करणीइंद्रेश मात की सदांही जैहो..
🙏🌹🙏🌹🕉️🕉️🌹🙏🌹🙏
Also read
aavad maa status, aavad maa na garba, aavad maa song, aavad maa na bhediya, aavad maa na bhajan, aavad, aavad mla jyachi dj, aavad maa no bhediyo, awad ma, aavad maa status, aavad maa na garba, aavad maa song, aavad maa na bhediya, aavad maa na bhajan, aavad maa no bhediyo, awad ma, aavad maa no video, aavad maa no itihas, aavad maa na geet, awad maa chirja,
0 टिप्पणियाँ
If you have any dout please let me know and contect at mahendrasingh2015charan@gmail.com